Сапа, қоршаған ортаны қорғау, денсаулық сақтау және еңбек қауіпсіздігін қамтамасыз ету саласындағы саясат

«Медикер – өнеркәсіптік медицина» компаниясы экономиканың бүкіл саласындағы өндірістік компанияларға:

• персоналға рейс/ауысым алдындағы медициналық куәландыру жүргізу;
• персоналға кәсіби медициналық тексеру жүргізу;
• өндірісте оқыс оқиғалардан зардап шеккен персоналды емдеу-алдын алу мекемесіне тасымалдау барысында медициналық сүйемелдеу;
• персоналды маусымдық тұмау вирусына қарсы вакцинациялау;
• өндірістік объектілерде персоналға алғашқы медициналық-санитариялық көмек көрсету бойынша медициналық қызметтер көрсететін жетекші қазақстандық компаниялардың бірі.

Серіктестіктің негізгі стратегиялық міндеттері төмендегілер:

• медициналық қызметтердің тапсырыс беруші қажеттіліктерін толық қанағаттандыратын жоғары сапа деңгейін қамтамасыз ету;
• нарыққа қатысуды және көрсетілетін қызметтер номенклатурасын кеңейту;
• серіктестермен, тапсырыс берушілермен және өзге мүдделі тараптармен өзара пайдалы қатынастар мен іскерлік байланыстарды дамыту;
• қызметтерді көрсетудің және басқару әдістерінің алдыңғы қатарлы технологияларын енгізу, бизнес үдерістерді автоматтандыру.

Компанияның әрбір қызметкері үшін менеджмент жүйесіндегі негізгі жұмыс қағидаларына және бағыттарына келесілер кіреді:

• тұтынушыларды қанағаттандыратын және болжағанынан асып түсетін жоғары кәсіби медициналық қызмет көрсету және сервис;
• серіктестік жұмысының барлық кезеңдерінде заңнамалық, нормативтік және басқа да қойылатын талаптарға сәйкестік;
• қоршаған ортаның ластануын болдырмау; серіктестік, мердігер ұйымдар және басқа тараптар қызметкерлерінің жарақаттануы мен денсаулығы нашарлауын болдырмау, сондай-ақ сапа, қоршаған ортаны қорғау, денсаулық сақтау және еңбек қауіпсіздігін қамтамасыз ету саласындағы қызмет көрсеткіштерін үнемі жақсарту;
• қызметкерлердің үнемі біліктілігін арттыру, ынталандыру жүйесін дамыту мен қызметкерлерді ынталандыру;
• өндірістік-шаруашылық қызметтің барлық кезеңдерінде түзету және алдын алу іс-шараларын жүзеге асыру жолымен сәйкессіздіктер мен мәселелерді болдырмау;
• серіктестік құрылтайшылары анықтаған мақсаттар мен міндеттерді нәтижелі іске асыру.

Серіктестіктің басқармасы осы саясатты жүзеге асыру бойынша ISO 9001, ISO 14001 және OHSAS 18001 халықаралық стандарттарының қойылатын талаптарына сәйкес біріктірілген менеджмент жүйесін пайдалану және нәтижелілікті үнемі арттыруды қолдану арқылы жауапкершілікті мойнына алады.